Tez-tez verilən suallar

Maliyyə Modeli aşağıdakıları əhatə etməlidir:

• Mənfəət və Zərər hesabatı (P&L)

• Balans hesabatı

• Pul vəsaitlərinin hərəkəti hesabatı

• Niyyət məktubları, təklif məktubları və ya bazar araşdırmaları ilə əsaslandırılmış fərziyyələrin siyahısı

• Layihənin planlaşdırılan maliyyələşmə strukturu

Bazar araşdırması aşağıdakıları əhatə etməlidir:

• Müvafiq istehsal sahəsinə dair bazar haqqında ümumi məlumat

• Daxili bazarda satış və/və ya ixrac imkanları

• Qiymət və rəqabətlilik

• Potensial müştərilər

• Dünya bazarında vəziyyət (tələbat, istehsal və satış bazarları)

Güzəşt müddəti hər bir sahibkarlıq subyekti üçün fəaliyyətin xarakterindən asılı olaraq nağd pulun hərəkəti barədə məlumat əsasında müəyyən edilir və kreditin istifadə müddətinin ilk 1/2 dövrünü əhatə edə bilər.

Təbii fəlakətlər, epidemiyalar, fors-major hadisələr və digər qarşısıalınmaz şəraitin əhəmiyyətli dərəcədə dəyişməsi hallarında Müşahidə Şurasının müəyyən etdiyi qaydada borc öhdəliyinin restrukturizasiyası (möhlət verilməsi) həyata keçirilə bilər.

Müvəkkil kredit təşkilatı müraciəti qeydiyyata alır və sahibkara təsdiq sənədi verir. Kredit təşkilatı 10 (on) bank günündən gec olmayaraq layihəni təhlil edərək maliyyələşdirmə barədə qərarını sahibkara bildirir.

ABİF layihələrdə minoritar səhmdar kimi iştirak edir. Minimum investisiya məbləği 500.000 AZN, maksimum isə idarə olunan aktivlərin 20%-i həddindədir. ABİF layihənin nizamnamə kapitalının 30%-dək hissəsinə investisiya edə bilər.

ABİF-in layihədə iştirak müddəti layihənin maliyyə göstəricilərindən asılı olaraq 5–10 il təşkil edir.

Layihənin ətraflı təhlili üçün aşağıdakılar tələb olunur:

• Biznes plan

• Maliyyə modeli

• Bazar araşdırması

ABİF Azərbaycan iqtisadiyyatının inkişafını təşviq etdiyindən, əsasən Azərbaycan Respublikasının ərazisində həyata keçirilən layihələrə investisiya yatırır. Eyni zamanda, ərazidən kənar, lakin Azərbaycan iqtisadiyyatına birbaşa töhfə verən layihələr də nəzərdən keçirilə bilər.

Sənədləşmə yekunlaşdırıldıqdan sonra müvəkkil kredit təşkilatı Fonda sifariş göndərir. Fond 3 (üç) iş günü ərzində vəsaiti müvəkkil kredit təşkilatına ayırır. Kredit təşkilatı vəsaiti aldıqdan sonra 5 (beş) iş günü ərzində sahibkarlıq subyektinin hesabına köçürür.

• Kiçikhəcmli kreditlər: 5.000 – 50.000 AZN

• Ortahəcmli kreditlər: 50.001 – 1.000.000 AZN

• Böyükhəcmli kreditlər: 1.000.001 – 10.000.000 AZN

• Kiçikhəcmli kreditlər: 3 (üç) ilədək

• Ortahəcmli kreditlər: 5 (beş) ilədək

• Böyükhəcmli kreditlər: 10 (on) ilədək

• Kredit məbləği: 5.000 – 3.000.000 AZN

• Müddəti: 5 ildən çox olmamaq şərtilə

• İllik faiz dərəcəsi: Fondun payı 2%, kredit təşkilatının payı 7%, ümumilikdə 9%-dən çox olmamalı

• Güzəşt müddəti: avadanlığın quraşdırılması nəzərə alınmaqla 12 ayadək

• Yalnız yeni avadanlıqların alınması üçün verilir

• İlkin ödəniş: avadanlığın satış dəyərinin minimum 20%-i (yerli istehsal üçün 10%)

Fondun tətbiq etdiyi illik faiz dərəcəsi 1 faiz, müvəkkil kredit təşkilatının tətbiq etdiyi isə 4 faizdən artıq olmamaq şərti ilə, ümumilikdə güzəştli kreditin illik faiz dərəcəsi 5 faizədək müəyyən edilir.

Sahibkarlıq subyektləri faiz borclarını hər ay müqavilə şərtlərinə uyğun ödəyirlər. Əsas borc isə güzəşt müddəti bitdikdən sonra qalan müddət ərzində bərabər hissələrlə ödənilir.

Müvəkkil kredit təşkilatları kreditləri öz adlarına və öz riskləri hesabına yerləşdirdiklərindən, risklilik dərəcəsini azaltmaq məqsədilə sahibkarlıq subyektindən girov tələb edə bilərlər. Girovun müəyyənləşdirilməsi müvəkkil kredit təşkilatı tərəfindən aparılır.

Fondun Müşahidə Şurası tərəfindən təsdiq edilmiş "Güzəştli kreditlərin verilməsi Qaydası"nda və prioritet istiqamətlərdə nəzərdə tutulan sahələr üzrə güzəştli kredit əldə etmək mümkündür.

Sahibkarlıq subyektləri güzəştli kredit almaq üçün birbaşa Fonda deyil, müvəkkil kredit təşkilatlarının baş ofislərinə və ya filiallarına müraciət etməlidirlər.