Rəhbərlik

Ülvi Mansurov 13 dekabr 1983-cü ildə Bakı şəhərində anadan olub. 2000–2006-cı illərdə Azərbaycan Dövlət İqtisad Universitetində Mühasibat uçotu və audit fakültəsində təhsil alıb. 2013-cü ildə iqtisadiyyat üzrə fəlsəfə doktoru elmi dərəcəsi alıb. 2012–2015-ci illərdə Böyük Britaniyanın "Warwick" universitetində təhsil alaraq MBA dərəcəsi əldə edib. 2024-cü ildə makroiqtisadiyyat sahəsində Biznes inzibatçılığı üzrə fəlsəfə doktoru dərəcəsinə layiq görülüb. Əmək fəaliyyətinə 2001-ci ildə Azərbaycan Beynəlxalq Bankında başlayıb. 2012-ci ilədək bankın Mərkəzi xəzinədarlıq, Maliyyə menecmenti, Daxili audit, Mühasibatlıq və büdcə proqnozlaşdırılması departamentlərində müxtəlif vəzifələrdə çalışıb. 2012-ci ildə “Texnika Bank”ın İdarə Heyətinin sədri vəzifəsinə seçilib və 2015-ci ilədək bu vəzifədə fəaliyyət göstərib. 2015-ci ildə Azərbaycan Beynəlxalq Bankının İdarə Heyəti sədrinin müavini vəzifəsinə seçilib. 31 mart 2017-ci ildə “Azərpoçt”un baş direktoru vəzifəsinə təyin olunub. 2018–2020-ci illərdə Vergilər Nazirliyinin Yeni yaradılmış iqtisadiyyat sahələrinin analitik təhlili və ekspertizası departamentində baş direktor vəzifəsində çalışıb. 2020-ci ildə “Azərbaycan İnvestisiya Şirkəti” ASC-də icraçı direktor vəzifəsinə təyin edilib. 2026-ci ildən etibarən isə "Azərbaycan Biznesinin İnkişafı Fondu" ASC-nin İdarə Heyətinin sədri kimi fəaliyyətini davam etdirir.

Yasin Cəlilov 29 iyun 1977-ci ildə Bakı şəhərində anadan olub. 1993–1998-ci illərdə “Xəzər” Universitetinin Beynəlxalq İqtisadi Münasibətlər fakültəsində bakalavr, 1994–1999-cu illərdə Bakı Sosial İdarəetmə və Politologiya İnstitutunun Politologiya fakültəsində bakalavr və Azərbaycan Dövlət Neft Akademiyasının Biznesin İdarə Edilməsi, İqtisadiyyat və Menecment fakültəsində magistr dərəcələri üzrə təhsil alıb. 2015–2018-ci illərdə Böyük Britaniyanın Uorvik Universitetində təhsil alaraq MBA dərəcəsi əldə edib. Y. Cəlilov əmək fəaliyyətinə Azərbaycan Beynəlxalq Bankında başlayıb. 1996–2011-ci illərdə bankda müxtəlif vəzifələrdə çalışıb, 2011–2018-ci illərdə isə Korporativ Biznes Departamentinin direktoru vəzifəsində fəaliyyət göstərib. 2018-ci ildən VTB (Azərbaycan) ASC-nin İdarə Heyətinin üzvü kimi çalışıb. 14 fevral 2022-ci ildən “Azərbaycan İnvestisiya Şirkəti” ASC-nin Müşahidə Şurasının qərarı ilə şirkətin icraçı direktorunun müavini vəzifəsində çalışıb. 2025-ci ildən Azərbaycan Biznesinin İnkişafı Fondunun publik hüquqi şəxsində baş direktor vəzifəsində fəaliyyət göstərib. 2026-cı ildən Azərbaycan Biznesinin İnkişafı Fondu ASC-nin İdarə Heyəti sədrinin müavini və İdarə Heyətinin üzvü vəzifəsində fəaliyyətini davam etdirir.

Murad Abdullayev 14 may 1987-ci ildə Bakı şəhərində anadan olub. 2004–2008-ci illərdə Azərbaycan Dövlət Neft Akademiyasının Beynəlxalq İqtisadi Münasibətlər fakültəsində bakalavr, 2008–2010-cu illərdə isə həmin fakültədə magistratura təhsili alıb. 2014-cü ildə “2007–2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində London İqtisadiyyat və Siyasi Elmlər Məktəbində (LSE) magistr təhsili alıb. M. Abdullayev əmək fəaliyyətinə 2009-cu ildə İqtisadiyyat Nazirliyinin Beynəlxalq təşkilatlarla əməkdaşlıq şöbəsində aparıcı məsləhətçi vəzifəsində başlayıb. Bu vəzifədə beynəlxalq maliyyə institutları tərəfindən Azərbaycanda maliyyələşdirilən bir sıra infrastruktur layihələrinin həyata keçirilməsində yaxından iştirak edib. 2012–2016-cı illərdə “Azərbaycan İnvestisiya Şirkəti” ASC-də Monitorinq və Sənaye Məhəllələri şöbələrində mütəxəssis və şöbə müdiri vəzifələrində çalışıb. 2016–2018-ci illərdə İqtisadiyyat Nazirliyinin Sənaye şöbəsinin müdiri, həmçinin Azərbaycanda İxracın və İnvestisiyaların Təşviqi Fondunun vitse-prezidenti vəzifələrində fəaliyyət göstərib. 5 yanvar 2018-ci ildən “Azərbaycan İnvestisiya Şirkəti” ASC-nin Müşahidə Şurasının qərarı ilə şirkətin icraçı direktorunun müavini vəzifəsinə təyin edilib. 2025-ci ildə Azərbaycan Biznesinin İnkişafı Fondunun PHŞ-də baş direktor vəzifəsində fəaliyyət göstərib. 2026-cı ildən isə "Azərbaycan Biznesinin İnkişafı Fondu" ASC-nin İdarə Heyəti sədrinin müavini kimi fəaliyyətini davam etdirir.

Azərbaycan Respublikasının iqtisadiyyat naziri

Azərbaycan Respublikasının iqtisadiyyat nazirinin müavini

Azərbaycan Respublikasının maliyyə nazirinin birinci müavini

Azərbaycan Respublikası Dövlət Neft Fondunun İcraçı direktorunun müavini

Azərbaycan Respublikası Mərkəzi Bankı sədrinin müavini