Prioritetimiz Azərbaycanda yüksək təsirli sənaye sahələrini və layihələri maliyyələşdirərək iqtisadi və investor dəyərini artırmaqdır.
Bərpa olunan enerji sahəsinə investisiyalar enerji mənbələrinin şaxələndirilməsinə, təmiz enerji istehsalının artırılmasına və davamlı enerji infrastrukturunun inkişafına xidmət edir.
Qida istehsalı və emalı sahəsinə investisiyalar kənd təsərrüfatı məhsullarının emal səviyyəsinin yüksəldilməsinə, müasir istehsal və saxlama infrastrukturunun inkişafına və ixracyönümlü məhsul istehsalının artırılmasına xidmət edir.
Əczaçılıq sahəsinə yönələn investisiyalar dərman vasitələrinin yerli istehsalının genişləndirilməsinə, təchizat imkanlarının gücləndirilməsinə və əhalinin keyfiyyətli dərman vasitələrinə çıxışının artırılmasına dəstək verir.
Dağ-mədən sənayesi sahəsinə investisiyalar faydalı qazıntıların hasilat və emal səviyyəsinin yüksəldilməsinə, müasir texnologiyaların tətbiqinə və mədən infrastrukturunun inkişafına xidmət edir.
Qablaşdırma sahəsinə investisiyalar müasir qablaşdırma istehsalının genişləndirilməsinə, məhsulların keyfiyyət və təhlükəsizlik standartlarına uyğunluğunun təmin edilməsinə və ekoloji cəhətdən davamlı qablaşdırma həllərinin tətbiqinə xidmət edir.
Maşınqayırma sahəsinə investisiyalar müasir istehsal avadanlıqlarının tətbiqinə, yerli sənaye məhsullarının istehsal gücünün artırılmasına və texnoloji infrastrukturun inkişafına xidmət edir.
Kimya sənayesi sahəsinə investisiyalar müasir kimya istehsalının genişləndirilməsinə, ekoloji təhlükəsizlik standartlarına uyğun texnologiyaların tətbiqinə və yerli xammalın emal səviyyəsinin yüksəldilməsinə xidmət edir.
Tikinti materialları sahəsinə investisiyalar yerli xammal əsasında müasir istehsalın genişləndirilməsinə, məhsulların keyfiyyət standartlarına uyğunluğunun təmin edilməsinə və tikinti sektorunun daxili tələbatının ödənilməsinə xidmət edir.
İstehlak malları sahəsinə investisiyalar yerli istehsalın genişləndirilməsinə, məhsulların keyfiyyət və rəqabət qabiliyyətinin artırılmasına və idxaldan asılılığın azaldılmasına xidmət edir.
Logistika sahəsinə investisiyalar nəqliyyat və təchizat zəncirinin səmərəliliyinin artırılmasına, müasir anbar və paylama infrastrukturunun inkişafına xidmət edir.
Layihə çərçivəsində Sumqayıt Sənaye Parkında dünyanın aparıcı elektrik nəqliyyat vasitələri və akkumulyatorlar istehsalçısı BYD Company Limited (Çin) şirkəti tərəfindən elektrobusların yığılması və istehsalının təşkili nəzərdə tutulur.
Planlaşdırılan zavodun illik istehsal gücü 60 000 ton qablaşdırma məhsulu təşkil edəcək.
Cəbrayıl rayonunda yerləşən “Araz Vadisi İqtisadi Zonası” Sənaye Parkının ərazisində mebel klasterinin yaradılması nəzərdə tutulur. Avtomatlaşdırılmış texnoloji xətlər və yüksək dəqiqlikli CNC avadanlıqlarla təchiz olunacaq bu müəssisədə taxta mebel komponentləri istehsal olunacaq.
Qeyri-neft sektorunun inkişafının dəstəklənməsi
Özəl sektorun gücləndirilməsi və iqtisadiyyatın şaxələndirilməsinə töhfə verilməsi
Birbaşa xarici investisiyaların (BXİ) cəlb edilməsinə yönəlmiş məqsədli investisiya siyasətinin həyata keçirilməsi
Biznes mühitinin formalaşmasına və təkmilləşdirilməsinə töhfə verilməsi
Strateji investisiya layihələrinin maliyyələşdirilməsinin dəstəklənməsi
Özəl sektorun iqtisadi inkişaf proseslərində fəal iştirakının təmin edilməsi
Yerli sənaye potensialının inkişafı yolu ilə ixrac yönümlü və idxalı əvəz edən investisiya layihələrinin inkişafının təşviq edilməsi
Məşğulluq imkanlarının artırılmasına töhfə verilməsi
Biznes planınıza layihəniz barədə əhatəli məlumatları, o cümlədən məqsədləri, bazar təhlilini və maliyyə proqnozlarını daxil etdiyinizə əmin olun.