INMerge Fondu (IVF)

INMerge Fondu İnnovasiya və Rəqəmsal İnkişaf Agentliyi, Azərbaycan İnvestisiya Şirkəti, PAŞA Innovation və Türkiyənin DSM Grup şirkətinin birgə iştirakı ilə yaradılmış 4 milyon ABŞ dolları həcmində erkən mərhələ vençur fondudur. Fondun təsis edilməsi barədə razılaşma Bakıda keçirilən INMerge İnnovasiya Sammiti çərçivəsində imzalanıb. Fond Cənubi Qafqaz, Mərkəzi Asiya, Şərqi Avropa, Yaxın Şərq və Şimali Afrika regionlarında fəaliyyət göstərən perspektivli startaplara investisiya yatırır. İnvestisiya istiqamətləri SaaS, FinTech, süni intellekt, DeepTech, AgriTech və EdTech kimi yüksək inkişaf potensialına malik texnologiya sahələrini əhatə edir.